Conferpar denuncia intención de vaciamiento de fondos jubilatorios - Nacionales - ABC Color

Noiméi piko ñande voi japyvoi ñande árko kóntrape ñaína (¿No somos los propios paraguayos los que estamos jugando en contra de nuestros intereses?). Peícha ikangyve ohóvo institución kuéra, ñande estado ipiru ha préstamopente ñamongaruséramo, he’i háicha ñe’ê, ñande ári g̃uarã jeýnte hína upéi. Homilía completa en guaraní en la misa vespertina de la solemne víspera de la Virgen María Hermana Raquel Peralta / Padre Alberto Luna “Esperanza nahavẽi” he’íva ningo ñe’ẽ, “ha consuelo ndaitujúi” ombojoapy ñande sy yma. Nda reíri niko oje’éva: “La esperanza es lo último que se pierde”, Papa Francisco jepe he’i: “aníke pe permiti avave ni mba’eve oipe’a pende hegui pe esperanza”. Pe yvága ru’ãgui ndaje raka’e Tupã Ñande Ru oma’ẽ ko ñane múndore, hembiapo kuéva, ha’e ohayhuetéva rehe. Ohecha mba’éichapa ñaime ko yvy apére, ñande yvy-póra. Ohecha opaichagua ñaimeha, ñande jopara voi. Ha ñahendu angete Ñandejára ñe’ẽ omombe’u mba’éichapa ou pe ánhel Graviel ñande sy Tupãsy rendápe he’i ichupe Tupã ojevaleseha hese, Kirito ou haguã oñemoñande hetépe Espíritu Santo rehe ae, ojehe’ávo ñande rehe, oguerúvo esperanza ha okonsolávo umi ojejopývape. Ha upévo Tupãsy ñande sy he’i va’ekue ichupe: “Ápe aime Ñandejára, toiko che rekovépe nde reipota háicha”. Ha ymaveguaréicha avei ko’ag̃a oime Ñandejára oma’ẽ ko ñane mundore, ñane retâ hembiapokuéva ha ohayhuetéva rehe, ñande niko ita’yra ha itajyra. Ha mba’épa oimeve ohecháva ñande Ru. Ohecha ñande Iglesia oñeha’ãva oguata oñondive, sinodalidad rapére. Mokõi áñoma ja’e cristiano laico, Ñandejára pueblo guáva, oñakãrapu’ã va’erãha, ohenduka va’erãha iñe’ẽ ha hemiandu ha oikeva’erã tembiapópe ñande Iglesiape, pa’i ha obispo javeve, oñopehẽnguéicha. Ha upévara tekotevẽ jahapo’o ñande Iglésiagui pe clericalismo. Péva pe clericalismo, he’i Papa Francisco, mba’asy vai tekotevẽva jaipe’a jahávo ñande apytégui. Ha esperanza nahavẽigui niko ramoiténte jahecha Roma pe, sínodo guasúpe, oñemboguapy mesa apu’a jerére, ojoykére kuñakarai, karai, laico, laica, con voz y voto, Pa’i, obispo, Cardenal ha Papa javeve, oñopehẽnguéicha oñemongeta ha oñohendu, ohechauka mba’éichapa jaikova’erã. Ha ñama’ẽramo ñande jerére niko ndapeichameméi jajuhu. Pe ñaneretã kusugue ha tanimbu apytégui omopu’ã jevy imemby kuéra, “porque defendió y conservó la fe (jerovia ha ñembo’e), la lengua (ñane ñe’ê guarani) y la cultura (ñande reko)”. Upévare ñande avei ja’e esperanza nahavẽi ñande sy jyva ári, por eso nuestra esperanza tiene rostro de mujer y de madre. Machismo Ha péva renondépe ñande kuimba’e Paraguái jahechakuaámava’erã pe machismo ha’eha mba’asy ndevaipajepéva, ndoikuaaséiva compromiso, ombyaíva familia, ndoikuaáiva respeto ha noponderáiva kuña rekovére jepe, heta hetave kuimba’e ojukáva kuña iñirũva, feminicidio oje’éva. Noiméi piko ñande voi japyvoi ñande árko kóntrape ñaína. Peícha ikangyve ohóvo institución kuéra, ñande estado ipiru ha préstamopente ñamongaruséramo, he’i háicha ñe’ê, ñande ári g̃uarã jeýnte hína upéi. Ñande Iglesia avei he’i tekotevẽ jahecha ha ñañemongeta porãve kóvare, ani apúro apúrope okái chipa, ijapyte ndojýi. Ñande jy. Ndaijái hikuái ñande apytépe, hemby. Ñambyasy niko jahecháramo ñande rapicha mba’éichapa ojereko. Ñatî niko ñama’ê haguã ñande sýre, ja’éva ichupe “Virgencita india”, ha’e ku odefende va’ekue indio José jejukágui. Ñande ypykue guaraní rembiapokue niko ko ñande sy ra’ãnga. Indígenas valientes organizados Ha oime ñane pehengue indígena oñeorganisáva ha okonsegíva oñemoañete pe ley ñande constitución pe oĩva. Paz y justicia, he’i niko ñande escudo. Upe ko’ãga ñande jahecháva ñande képe ramo guáicha ohechava’erã hesa tee rupi, umi Paraguay rajy ha ta’ýra ne’ĩrava ohecha yvy rova. Ñande ñañoty va’erã ko’ãga pe jaipotáva ohecha hikúai. La oración y el cuidado de la vida niko ha’e la ñande tema ko arapegua: che pehenguekuéra religiosos ha religiosas kuérape ningo ha’esemi: pe tekove ñangareko niko ha’e ñane misión, aníkena okañy ñandehegui péva. Upéicha avei aníke ikangy ñande rekove ñeme’ẽ Ñandejárape, ñañekarama hatã kena hese. Ha’e voi niko ñande renói kuri, ha jaguata kena opa araite pueblo ndive. Aníkena ñamboty ñande apysa isapukái ha imba’e jerure rovái, especialmente umi ohasa asýva, oñemboykéva ñande sociedad, ha tupaópe avei, ha umi avave nohendúiva ha ndohecháiva kena ñamoirũ, los descartados, he’íva el Papa Francisco, ikangy va’erã ñande rekove jajehekýi ramo mboriahu kuéra apytégui, hendive kuéra ha ijapytépe kuéra ñane ra’arõ Ñandejára. Y tenemos esperanza, ndaha’éi katuete jajeroviágui ñande jehe, tenemos esperanza porque tenemos fe en Dios, porque nada es imposible para Dios. Pe oje’eva’ekue ñande sype, oje’e avei ñandéve: Ani rekyhyje, ndaipóri ikatu’ỹva Ñandejára peguarã. Upévare ikatu ñande ñañakarapu’â, ñande sy javeve, ha ja’e ñande py’aite guive oñondive: “esperanza nahavẽi ha consuelo ndaitujúi”. ...[Leer más]