Aty ñomongeta oñemotenonde Ministerio de Educación (MEC)-guaha umi tendota gremio docente-gua péva sede Cartera de Estado-pe. Noguahëi acuerdo-pe hikuái oïgui recorte upe anteproyecto presupuesto ary 2022 oúvape.
Mbo’ehára omoañete protesta ágã araapy 29 oúvape aty apañuãi rire MEC ndive
Omohu’ãvo ñomongeta, ko’ã mbo’ehára omoañete arapy oúvape oguatáta hikuái tape rehe oprotestávo hikuái. Paraguaýpe punto ijaty haguã Panteón de los Héroes ha oguatáta hikuái umi institución pública peve, he’i Gabriel Espínola, OTEP- A-gua (Organización de Trabajadores de la Educación del Paraguay - Auténtica).
“Peteï escuálido presupuesto, ojeguerekóva ko ary oúvape guarã oharu educación pública”, he’i mbarete iñe’ëme Gabriel Espínola.
Omyakãva FEP (Federación de Educadores del Paraguay), Silvio Piris, omyesakã recorte presupuesto MEC oñeme’ëva ary mokõiha jey, ko’ágã oplantea reducción 2% ary 2022 ha ary ohasava’ekuépe oguejýma 8% presupuesto 2021. “Ha’éva 10% mbovýve mokõi arýpe, al revés ramo’ã, ombohetaveva’erã presupuesto en educación”, omoañete dirigente.
Leer la nota completa en Diario ABC
