Ñomongeta prensa ndive, presidente UNE SN, Eladio Benítez, he’i “día 2 de marzo oñehenói jornada de protesta ha movilización opavave docente República del Paraguay roipotágui ha rohechauka haguã roiméha joajúpe, roguerokyhyjégui ore rekove ha ndoroguerohorýi clase presencial”.
“Ministro (de Educación, Eduardo Petta), irresponsablemente, he’ívo ndoikuaáiha mba’e línea, ojopy mbo’ehárape oho jey haguã clases presencial. Noïri condición upévarã”, ojoaju Benítez ha ojerúre sy ha túvape tojepy’amongeta ha tohechakuaa ojesarekóvo Comisión de Riesgo Institucional mbo’ehaópe.
Omyesakã Benítez, gremio docente ojeruréva Ministerio de Educación (MEC) ko lunes, 22 de febrero, ome’ëvo institución ko’ã comision de riesgo ogueroviáva omohendávo retorno seguro mbo’ehaópe. “Ndohechaukáivo, jahecha ñande ikatúva ou ome’ë clase presencial”, he’i.
Ojerúre ko gremio ome’ëvo recurso de gratuidad mbo’ehao en forma pública ikatu haguã comunidad oikuaa oñeme’êva chupekuéra ha ohupytývo ombohovái umi mba’e oikotevëva eskuéla peteïteî péva proceso de adaptación ome’ëva protocolo sanitario oiko haguã clase presencial.
Leer la nota completa en Diario ABC
