Tavayguakuéra ciudadano de escrache oitýva heta político-kuéra ojoajúva umi káso pokarê rehegua ohóma Justicia rehe. Ojerúre hikuái Consejo de la Magistratura oaprovecha haguã omopotî Corte, ohapejokóvo cuoteo umi ministro oúvape.
"Marandu omyesakãva ha contundente: Ndoroipotavéima (ministro Corte-gua jeporavo) ha'éva cuoteo político, ombohováiva ambue interes orekóva clase política. Roipota añetehápe umi miembro Corte Suprema de Justicia omoañetéva Constitución ha léi", he'i Esther Roa, referente grupo manifestante-kuéra.
Ko'ã tekove oñembyaty hikuái ko pyharépe Avda. Mcal López ha San Martín Paraguaýpe ojerurévo Consejo de la Magistratura peteî decisión "sabia" omoañetévo terna oikehápe umi candidato ministros de Corte-pe guarã, ko'ãva ojehecháta ko'êrõ.
"Añetehápe ojekuaa mba'éichapa omýi (Corte ko'ágã) upéva rehe oime gentekuéra osêva ojerúre justicia ojeguerekóva", he'i Roa ha omombohovái "tuicha mba'e he'íva tavaygua decisiones ohóva ikatúva oiko" órgano oñangarekóva oiporavóvo alto magistrado.
Upégui osê hikuái Consejo de la Magistratura gotyo opytáva calle Pa'i Pérez ha Mariscal López, ko'ápe ojapo hikuái peteî "escrache kirirîetehápe", ndaipóri tyapu ni ayvu, ha'ekuéra omyenyhê papel higiénico ha ryguasu rupi'a oficina pública rehe.
Leer la nota completa en Diario ABC
