Senadorkuéra kolo'o disidente ha umi partido oposición-gua oime hikuái “vigilia permanente” anitei mba'e oñemoambuése Tetã Léi Guasu oguahë mba'e hembipotápe ha jeporavo jey. Tendota kolo'o Añetete otaky “incoherencia” rehe.
“Ore roiméta en vigilia permanente”, omoañete senador Mario Abdo Benítez, tendota guasu movimiento Colorado Añetete, ANR-gua, ojokóvo aty guasu umi luguista jeporavo jeýre guata guasu ko'êrõ.
Omomba'e guasu, avei aty ñomongeta pyhareve guare umi referente disidencia-gua rehe ha'eháicha sector oficialista Partido Liberal Radical Auténtico, Avanza País, Partido Democrático Progresista ha independiente-kuéra, oguahëva hikuái peteï ñe'ëme osegi mba'apópe ombohováivo intención orekóva oatropella Carta Magna.
Avei otaky sector oficialista oguahëva Partido Colorado, ikatu haguã presidente Horacio Cartes, ha o demeritáva upe posibilidad ojeguerekóva oñemosë haguã ichupe umi ombotovéva léi guasu. “Tachemosë hikuái”, ha he'i noextraña mo'ã osë mba'érõ ko planteamiento ha'eháicha, ohusga incoherencia orekóva cartismo. “Ndaareiete ningo otaky luguista-kuéra rehe, ko'ágã katu ha'ekuéra ojapóva upe pacto Lugo ndive”, he'i jey.
Oguerohory Frente Guasu oheja reiha manifestación ojapo ramo'ã ko'ërõ, pe oipotáva hikuái amo ipahápe taha'e ha'éva “tosyry tuguy”.
Leer la nota completa en Diario ABC
