Oguahêvo 15:15 ko martes pe ojeikévo hospital central Instituto Previsión Social (IPS)-pe okukúi ogypýpe .Heta asegurado oî jave ha umi tapichakuéra oñemondýi ha ndo’ái hesekuéra.
Umi tapicha oiméva ka’aru jave hospital Dr. Emilio Cubas, barrio Trinidad Paraguaýpe, ojuhu celular opytaháicha oikévo tasyópe ho’arõ técho. Ko infraestructura ho’apaite, omboty ojeike ha oñesêvo umi paciente upe rupi ha ho’a ha opormondýi ko’ã tapichápe oiméva ko’ã tendáre.
Pya’e oguahê mba’apohára hembiporu ndive ohapejoko haguï anitei gente ohasa ha ombyaty umi escombro okjekuaa.
Sambyhyhára pyahu IPS-gua, Andrés Gubetich Mojoli, omombe’u ABC Cardinal-pe oikóha peteî desprendimiento cielo raso ha ndaipóri afectado. “Rohecháta umi medida ko’ã mba’e anitei ojehu jey”, omombe’u.
Ko entrada oñembotýta oñemyatyrõ meve ha umi técnico odispone pe tiempo oñeikotevêva ko tembiapópe ohechávo umi tape alternativo ojike haguã, oikuaauka.
Leer la nota completa en Diario ABC
