Tetã Rekuái ome’ẽ 31 hóga te’ýi avarekoha Chaco-pe - .::Agencia IP::.

Asunción, Agencia IP.- Te'ýi avarekoha Cerrito Amaquera -Kema Yat Sepo- oĩva km. 161 táva Benjamín Aceval-pe, tetãvore Presidente Hayes, Tetã Rekuái ome’ẽ 31 hóga omoporãveta tekove reko umi ogaygua oñeipytyvõva. Hóga mba'e'apo ojapo Tetã Rembiapo ha Marandu Motenondeha (MOPC), Paraguay Ypykuéra Ñangarekoha (INDI) ogestionava’ekue, ha ombopu'aka pe yvy jeguereko ikatuhaguãicha umi te’ýi oiko upepe. “Ymaite guive

Asunción, Agencia IP.- Te’ýi avarekoha Cerrito Amaquera -Kema Yat Sepo- oĩva km. 161 táva Benjamín Aceval-pe, tetãvore Presidente Hayes, Tetã Rekuái ome’ẽ 31 hóga omoporãveta tekove reko umi ogaygua oñeipytyvõva.

Hóga mba’e’apo ojapo Tetã Rembiapo ha Marandu Motenondeha (MOPC), Paraguay Ypykuéra Ñangarekoha (INDI) ogestionava’ekue, ha ombopu’aka pe yvy jeguereko ikatuhaguãicha umi te’ýi oiko upepe.

“Ymaite guive oiko nandi Ruta Transchaco-pe. Rembiapokuéra ojejapo peteĩ korapype oguerekóva 1.212 hectáreas, INDI mba’ejoguáva ary 2021-pe”, he’i INDI Mburuvicha, Marlene Ocampos.

Te’ýi ogayguakuéra aguyjeme’ẽ INDI ojapóva omba’ejoguáva umi yvy, ha ko’ãga oikoma upepe. Avei, oaguyjeme’ẽ INDI tendota ohóva upepe, Marlene Ocampos, he’iva “ndaha’ei hóga ha’eño, ha’e avei ko tembiasa omombareteta ogaygua hetepy, ombo teko yvateta ha omomba’eguasuta ijarandupy ypykuéra rehegua”.