Yacyretá ome’ẽ hína bono ary pahápe hag̃ua umi ogayguakuéra oikóva conjunto habitacional-pe g̃uarã - .::Agencia IP::.

Entidad Binacional Yacyretá (EBY) oñepyrũ bono ñeme’ẽ umi ogayguakuérarã oikóva conjunto habitacional táva Encarnación ha ambue táva Itapúa-pe g̃uarã.

Asunción, Agencia IP.- Entidad Binacional Yacyretá (EBY) oñepyrũ bono ñeme’ẽ umi ogayguakuérarã oikóva conjunto habitacional táva Encarnación ha ambue táva Itapúa-pe g̃uarã.

Ko arýpe ohupytýta hína 8.000 ogayguakuéra. Peteĩteĩ oñeme’ẽta G. 300.000, ha’éva mbohapy bono G. 100.000 repy. Ko bono rupi, oñeipytyvõse chupekuéra ojogua hag̃ua hembi’urã umi arete ary pahápe g̃uarã.

Ko’ã bono oipytyvõiterei hína ojejogua pérupi, ha viru opyta upépe. Umi ticket kuéra oñeme’ẽva oñembohasa arã umi tenda ojeautorisáva, ikatúva ha’e pe feria municipal “La Placita”-pe ha ambue tenda ag̃uíva táva Encarnación-pe, térã ambue avarekoha oikóva umi ogayguakuéra.

Ko pytyvõ ha’e umi ogayguakuéra Yacyretá ojegueraha va’ekue ambue tendápe, ha’eháicha conjunto habitacional urbano térã asentamiento rural kuérape, táva San Cosme y San Damián, Coronel Bogado, Carmen del Paraná, Cambyretá, Encarnación ha San Juan del Paraná-pe.