HORQUETA. Emprendimiento ombohapévo negocio ýrõ omotenonde peteî profesión oúva katupyry ha mba’apo jegueroviápe umi oîva orekóvo capacidad ha fe ohupytyháicha peteî familia ary 2017 ogueroviáva tavaguasúpe microempresa ojapóva ao deportivo ha ao opáichagua.
Ko emprendimiento omotenonde Nelson Ruíz ha Elisabeth Brítez Moráez oñepyrûva’ekue peteî tenda’ípe oîva calle Gral. Eugenio Garay ha Hermano Marista Félix Aldunate Castillo. Upéicha oñembohasa ruta PY05 “Gral. Bernardino Caballero” táva jerére ha ohasáma mbohapy jasy omba’apo hikuái peteî depósito, calle Presidente Franco ha Virgen del Rosario, plaza José de Antequera y Castro rováiete upe tavaguasú Horqueta-pe.
Elisabeth Brítez omombe’u omoheñóivo ko microempresa isy Luisa Moráez ha ikypy’y ndive modista ha upéicha ha’e oñembokatupyry hendivekuéra ha oñepyrû oestudia Internet rupive. Ha péicha heñói ko mba’apoha orekóva heta kuimba’e omba’apóva ojapóvo ao deportivo vakapio ñeha’ãrã ha avei uniforme.
Leer la nota completa en Diario ABC
