Umi tapicha distrito 3 de Mayo-gua oguata hikuái marcha ojeróva “Por la Vida” ojerure´vo toñemyesakã ojukágui hikuái 5 jasyapy jave político ha comerciante ko tavaguasúgua, Esteban Báez Vera-pe.
Ohero hikuái marcha por la vida omyakãva intendente local, Arnaldo Andrés Aquino (PLRA), oime opavave sector, político, social, deportivo ha religioso ko tava guasúpe.
Opavave oguatáva hikuái ombotove ko mba'e vaiete oikova'ekue peteï tapicha marangatúre.
Marcha, oimehápe hikuái mil persona rupi, omotenondéva ko lunes 13 jasyapy jave tupão guive ha ohóva hikuái compañía Gasory, dos kilómetro rupi yvate gotyo centro urbano 3 de Mayo, péva ruta principal ojoajuhápe tavaguasu departamental Caazapá, ohóva servicentro peve ha'éva comerciante ojukáva mokõi sicario ombokapúva Báez Vera retére, omanóva oguahë mboyve hospital Yutýpe.
Intendente municipal opresenta iñembyasy ipehënguekuérape umi familia víctima he'i omba'apotáha hikuái ombotapykue haguã violencia ko distrito-pe ha péicha ojerúre infraestructura Policía Nacional ko tavaguasúpe ha oïve agente, oreko nigo siete efectivo policial Comisaría 3 de Mayo.
Leer la nota completa en Diario ABC
